Të kamie

Të kamie

Alojzy Nôdżel


Źródło: Pomerania, nr 5, 2012

Czejbë të kamie gadac mógł
Jak gadac mògą lëdze,
Nie sygłobë cë, kamie, słów,
Nie sygłobë cë, kamie, łzów
Të, kamie płakôłbë jak drëdżé.

Të, kamie, jes nôlepszi swiôdk,
Jak dzérzkò barnił sã nasz lud
Jak barnił swòji mòwë tu
Jak barnił zemiã kòżdi lôsk.

Të, kamie dzysô z nama płacz
Że chùtkò dżinie mòwa naj,
Niech zmiãkną cwiardé serca ne
Czej òne ùzdrzą kama łzë.

(Astrë, 1975)