Nie spiewôj pùsti nocë

Alojzy Nôdżel

Źródło: Pomerania, nr 5, 2012

Nie spiewôj pùsti nocë
Z dôlëka mërgô wid
Kaszëbskò mòwa snôżô
Jesz lepszich dożdô dni.

Jak wòjôrz stojã z barnią
Przez dłudżi, dłudżi cząd
I barniã wiôłdżé karna
Słowiansczich stôrëch słów.

Kaszëbskô mòwa nasza
Je pësznô tak jak zymk
Ju dzys sã nie ùrzasnã
Że stracã snôżosc ji.

Chòc krzëkwë dmią i chaje
To dzérzkò stoji dąb
Chòc szor żałobno graje
Nie ùzdrzi gdze ji grób.

(Procëm nocë, 1970)