Kaszëbsczé webinaria – chcemë le sã inspirowac

Pòczestny szkólny kaszëbsczégò jãzëka,

serdeczno rôczimë do òbzéraniô webinariów i inspirowaniô sã ùdbama na czekawé ùczbë kaszëbsczégò jãzëka. Zaczinómë nową régã wirtualnëch zéńdzeniów, gdze szkólny pòkażą jak robic ònline kaszëbsczé pòmòcë edukacyjné.

W nôblëższim czasu szkólné kaszëbczégò jãzëka pòkażą jak przërëchtowac “swiąteczné” pòmòcë edukacyjné za pòmòcą mòdernëch internetowëch nôrzãdłów.

W pierszim webinarze Elżbiéta Prëczkòwskô – szkólnô kaszëbsczégò jãzëka, direktórka Spòdleczny Szkòłë w Tëchómiu, pòkaże facebookòwé starnë, na chtërnëch szkólny sã zrzeszëlë i wëmieniwają sã ùdbama na cekawé zdalné ùczbë. Te starnë to: na fb Szkólny jãzëka kaszëbsczégò i na messengerze Kaszëbsczi szkólny jidą w przódk. Pòtemù bãdze pòkôzóné jak stwòrzëc w wordze kaszëbską czcónkã. Na kùńc kôrbiónka ò tim, jak twòrzëc w aplikacje wordwall pòmòce do ùczbów kaszëbsczégò jãzëka. Rôczimë do òbzéraniô i pospólny robòtë.