Zakùńcził sã pòsobny kùrs kaszëbsczégò jãzëka online. Warôł òd pòłowë rujana i òbejmiwôł 25 gòdzyn szkòleniô z pòdstaw kaszëbsczégò jãzëka, òsoblëwie òrtografie, gramaticzi, czëtaniô, pisaniô i gôdczi.
W kùrsu wzãło ùdzél 12 sztëk òsoblëwëch lëdzy. Westrzód nich bëła Kaszëbka ze Seattle w USA i Kaszëbka z Tartu w Estonie. Trzë òsobë pòchòdzëłë z Warszawë i jedna z Pòznania. Z kaszëbsczich placów bëłë reprezentowóné: Gduńsk, Rëmiô, Pilëce, Strzebielëno, Nowô Karczma i Lëniewò. Jãzëkòwé szkòlenia prowadzëła szkólnô Ana Cupa. To béł brzadny czas nôùczi sparłãczony z ùsmiéchã, redotą i szpòrtã.
Uczãstnicë mają chãc kòntinuòwac ùczbã na pòstãpnym kùrsu rëchtowónym przez Kaszëbskò-Pòmòrsczé Zrzeszenié.
