4 gromicznika pò pôłnim w Kaszëbsczim Mùzeùm m. Frãcëszka Trédra miało plac pierszé zéńdzenié Radzëznë Kaszëbsczégò Jãzëka VIII kadencje. Pòtkanié òtemkła przédniczka KPZ Bòżena Ùgòwskô, chtërna wrãczëła aktë pòwòłaniô wszëtczim nôleżnikóm a nôleżniczkóm radzëznë. Jesmë baro rôd, że w pòsobny kadencje prowadniczką karna mdze Danuta Pioch. Òbczas wëdarzeniô òstałë òbgôdóné nôwôżniészé céle i zadania na nôblëższé trzë lata, a w tim przede wszëtczim sprawa przërëchtowaniô roczëznë 20-lecô ùsadzeniô RKJ (ò ti rozegracje mdzemë infòrmòwac w niedaleczi przińdnoce).
Bóg zapłac wiele razë za gòscënã direktórce kartësczégò mùzeùm Barbarze Kąkòl.
Przédniczce a wszëtczim nôleżni(cz)kóm karna żëczimë wiele mòcë w dzejanim na rzecz naji Tatczëznë. Dobri zwënédżi!
